“سئمت من الإهانات”.. ابن سلاف فواخرجي يعبّر عن غضبه – إليكم السبب

نشر علي عبر خاصية “الستوري” في حسابه على إنستغرام قائلاً:
“مسا الخير، مع كامل الاحترام والتقدير، إذا ما بتحبوا أهلي أو مش متفقين مع آرائهم، هذا حقكم، والحرية حرية رأي، بس مش بهالطريقة. والله العظيم مو منطقي إنكم إذا كرهتوا شخص تبلشوا تسبّوه.”

وأضاف:
“طيب، سبّوا هالشخص ماشي، عادي، بس معقول في ناس أعمارهم 30 و40 سنة جايين يسبّوا ويهددوا ويتنمّروا على واحد عمره 16؟”

وتابع:
“والله ما بفهم شو الفايدة من هالحركات! بفهم إنه في ناس غاضبة أو مقهورة، بس ليش تتحول مشاعر الغضب لحقد على شخص ما بتعرفوه ولا إله علاقة بشي؟”

وأكد قائلاً:
“أنا فعلياً ما لي دخل بشي، ومالي علاقة، وعايش بحالي. معقول ما عندكم شي مفيد تعملوه غير إنكم تيجوا تسبّوا وتهددوا ولد عمره 16؟ شو هالمرض؟”

وختم حديثه قائلاً:
“بعرف إنه كان لازم أضل ساكت، بس والله العظيم تعبت من المسبات والتهديدات اليومية اللي ما عم تنتهي. شكراً لتفهمكم، والله يسعد مساكم جميعاً.”